टिम अफ प्रोग्रेसिभ स्कुलको आयोजनामा प्रथम अन्तरविद्यालय फुटसल प्रतियोगिता शनिबार हुने भएको छ ।
प्रतियोगितामा सिनियर र जुनियर ब्वाइजमा समान ८–८ गरी जम्मा १६ टिमको सहभागिता रहने आयोजकका संयोजक सुरेश घर्ती मगरले जनाएका छन् ।सहभागी टिमलाई दुई समूहमा विभाजन गरी लिग कम नकआउट आधारमा खेलाइने छ । समूह विजेता र उपविजेता सोझै सेमिफाइनलमा प्रवेश गर्ने छन् । एकदिने प्रतियोगिताका खेलहरु गोंगबुमा हुने छ ।