अखिल खुला स्नुकर प्रतियोगिता बुधबार  सुरु भएको छ । न्यू दरवार स्क्वायर क्लब खिचापोखरीको आयोजनामा सुरु भएको प्रतियोगितामा उपत्यका लगायत हेटौंडा, विराटनगर, पोखरा, बुटवल, सुनसरी र बनेपाबाट राष्ट्रिय च्याम्पियन तथा अन्तराष्ट्रिय खेलाडी लगायत करिव १२८ जनाको सहभागीता रहेको प्रतियोगिता संयोजक दिपक श्रेष्ठले जनाएका छन् ।
प्रतियोगिताको पूर्व राष्ट्रिय च्याम्पियन तथा अन्तराष्ट्रिय खेलाडी सरोज कुमार मुल्मीले एक कार्यक्रमविच उद्घाटन गरे । प्रतियोगितामा प्रथम स्थान हात पार्नेले ५० हजार, दोश्रोले २५ हजार र प्रतियोगिता भरि उच्च ब्रेक गर्नेले नगद ८ हजार रुपैया प्राप्त गर्नेछन् ।
प्रतियोगिता अन्तरगत बुधबार सम्पन्न खेलमा सम्पूर्ण जंग शाहले प्रज्वल कार्कीलाई ३–१ले पराजित गरे । यस्तै नितेश खन्डवालले सोभित पोखरेललाई ३–१ले, नितेष राज भन्डारीले नगेन महर्जनलाई ३–१ले, सक्षमले सविनलाई ३–२ ले रामले विकास लाई ३–१ ले र राजन गुरुङ्गले प्रविन मोक्तानलाई ३–० ले पराजित गर्दै अघिल्लो चरणमा पुगे । वेष्ट अफ फाईभको खेलमा जिमी लामाले सुजन श्रेष्ठलाई ३–२ ले पराजित गर्दा दिनेश डंगोलले अमित अधिकारीलाई ३–० ले पराजित गरे । सरङ्ग रानाले आजको प्रतियोगितामा सर्वाधिक ६६ ब्रेक गरेको आयोजक दिपक श्रेष्ठले जनाएका छन् । उनले उच्च ब्रेकका वावजुद प्रशिम संग पराजय भोग्न बाध्य भए ।