सुमित शाही र सौरव शाही ठकुरीले अखिल खुला स्नुकर प्रतियोगितामा बिहिबार जित हात पारेका छन् ।न्यू दरवार स्क्वायर क्लब खिचापोखरीको आयोजनामा भएको प्रतियोगिताको दोश्रो दिन सुमितले मिकेनलाई ३–२ बोर्डले पराजित गरे । वेष्ट अफ फाईभ बोर्डको आधारमा खेलाईएको प्रतियोगिताको अर्को खेलमा राखेप स्नुकर वोर्डका उत्कृष्ट खेलाडी सौरभले ओम कृष्ण चित्रकारलाई ३–१ ले पराजित गरे । यस्तै तेश्रो बरियताका सुरेश डङ्गोलले मिलन लामालाई ३–०ले र पूर्व च्याम्पियन कुङ्गा लामाले अशिम गुरुङ्गलाई ३–१ले पराजित गरेको प्रतियोगिता संयोजक दिपु शाक्यले जानकारी गराए ।
प्रतियोगिताको अन्य खेलमा विकास गुरुङ्गले टिका श्रेष्ठलाई ३–१ले पराजित गर्दा अशोक शाक्यले मनिष श्रेष्ठलाई ३–१ले नै पाखा लगाए । नकआउटको आधारमा खेलाईएको प्रतियोगितामा सहेश रत्न बज्राचार्यले मानिक शाहीलाई ३–१, राज लामाले रोविन पाख्रीनलाई ३–२, फुर्वा शेर्पाले पूर्ण लामालाई ३–१, दीनेश नकर्मीले प्रकाश स्वर्णकारलाई ३–२, सचिन श्रेष्ठले लोपसाङ्ग लामालाई ३–२, विरेन श्रेष्ठले मोती तामाङ्गलाई ३–२ र विजय महर्जनले सुमन तामाङ्गलाई ३–२ले पराजित गर्दै अर्को चरणमा प्रवेश गरेका छन् ।