समिर राजलवट र नितेश खड्गी अखिल खुला स्नुकर प्रतियोगिताको तेश्रो दिन शुक्रबार जित हात पार्दै अर्को चरणमा प्रवेश गरेका छन् । न्यू दरवार स्क्वायर क्लब खिचापोखरीको आयोजनामा भएको प्रतियोगितामा समिरले सरोज खड्गीलाई ३–१ फ्रेमले पाखा लगाए भने नितेशले सलमान श्रेष्ठलाई समान ३–१ फ्रेमले नै पाखा लगाउंदै अर्को चरणमा स्थान बनाएका हुन् ।
यस्तै आजै सम्पन्न अन्य खेलमा संजय मुल्मीले सहेश बज्राचार्यलाई ३–२ फ्रेमले पराजित गरे । यसैगरि सम्पूर्ण जंगले संजीव डङ्गगोल माथि ३–२ले, राजन गुरुङ्गले सुरज महर्जनलाई ३–०ले, दिपज्वलले राम महर्जनलाई ३–०ले, जय महर्जनले राजु केसीलाई ३–१ले र सक्षमले राजेश तामाङ्गलाई ३–२ फ्रेमले पन्छाउंदै अर्को चरणमा प्रवेश गरेको संयोजक दिपु शाक्यले जनाएका छन् ।