अन्तर्राष्ट्रिय आमन्त्रण महिला ह्यान्डबल च्याम्पियनसिपमा सहभागी हुने नेपाली महिला ह्यान्डबल टोलीलाई सोमबार एक कार्यक्रमबीच बिदाइ गरियो ।राष्ट्रिय खेलकुद परिषद् (राखेप) का सदस्य–सचिव केशवकुमार विष्टले टोलीलाई सफलताको शुभकामना दिदै बिदाइ गरे । प्रतियोगिता मार्च २७ देखि ३० तारिखसम्म पाकिस्तानको फैसलाबादमा हुनेछ ।
खेलाडीहरुमा रञ्जना राई (कप्तान), प्रभा थापा, संगीता चौधरी, रामकुमारी चौधरी, विष्णा बोगटी, शान्तिकला राई, देवकुमारी बाँस्कोटा, दुर्गा बोहरा, पार्वती साउद, रमिला बस्नेत, भेषकुमारी चौधरी, साधना बम र उमा राई रहेका छन् ।
टिम व्यवस्थापकमा प्रवीणकुमार ठोकर तामाङ, प्रशिक्षकमा जीवनबहादुर बस्नेत, र टेकबहादुर विश्वकर्मा तथा पत्रकारमा दिनानाथ बराल छन् । टोली मंगलबार पाकिस्तान प्रस्थान गर्ने नेपाल ह्यान्डबल संघका महासचिव सन्देश रेग्मीले जनाएका छन् ।