नेपाल अन्तर्राष्ट्रिय क्योकुसिनकाइ कराते संघको आयोजनामा प्रथम अन्तर्राष्ट्रिय क्योकुसिन कराते तालिम तथा सेमिनार त्रिपुरेश्वरस्थित राष्ट्रिय खेलकुद परिषद् (राखेप) को ओलम्पियन सेमी कभर्डहलमा आइतबारदेखि सुरु भएको छ । पाँचदिने सेमिनारमा ५० जनाको सहभागिता रहेको छ । सेमिनार अन्तर्राष्ट्रिय क्योकुसिनकाई महासंघका अध्यक्ष एवं संस्थापक केयुब अजिजोबले सञ्चालन गर्ने छन् । सेमिनारको राखेप उपाध्यक्ष एवं नेपाल ओलम्पिक कमिटीका महासचिव लामा टेन्डी शेर्पाले एक कार्यक्रमबीच उद्घाटन गरे ।