आयोजक थसाङ्ग क्लब र नेशनल कलेज “थसाङ्ग कप खुल्ला बास्केटबल प्रतियोगिता”को क्वाटरफाईनलमा प्रवेश गरेका छन् । मंगलबार भएको प्रतियोगितामा आयोजक थसाङ्गले नेस्कोलाई ८१–४३ स्कोरले पराजित गदै क्वाटरमा स्थान बनाएको हो । थसाङ्गको लागि विशाल पुनले १७ अंक जोडे । राष्ट्रिय खेलकुद परिषदको कभर्डहलमा भएको दोश्रो खेलमा नेशनल कलेजले दोर्जे लामाको ४७ अंकको सहयोगमा पेन्टागन कलेजमाथी ८९–८२ अंकको जित निकाल्यो ।