मनमोहन स्मृति मेडे कप फुटबलमा प्रतियोगितामा क्युपेक नेपाल र ललितपुर यातायतको टिम उपाधि नजिक पुगेका छन् । पेप्सीकोला टाउन प्लानिङमा विहिवार भएको सेमिफाइनल खेलमा क्युपेकले एयरपोर्ट यातायातको टिममाथी ३–० को सहज जित निकाल्यो । बिजय टिमका लागि बिप्लप शाहले २ तथा कबिन लिम्वुले १ गोल गरेका थिए । मोदन भण्डारी स्पोर्टस् एकेडेमीको आयोजनामा संचालन भएको दोश्रो सेमिफाईनलमा ललितपुर यातायतको टिमले तार्केश्वर यातायतको टिमलाई २–१ गोल अन्तरले हरायो । बिजय टिमबाट सन्तोष श्रेष्ठ र प्रकाश थापाले समान एक–एक गोल गरे भने तार्केश्वरकातर्फबाट बिशाल रोकाले १ गोल फर्काएका थिए । प्रतियोगिताको फाईनल खेल शनिवार हुने आयोजकले जनाएको छ ।