बसुन्धारा नेसनल एकेडेमी (बीएनए) को आयोजनामा प्रथम बीएनए अन्तरविद्यालय बास्केटबल प्रतियोगिता शुक्रबारदेखि सुरु हुँदैछ । प्रतियोगितामा विभिन्न विद्यालयका २८ टिमको सहभागिता रहने बीएनएका प्रिन्सिपल टंककुमार चापागाईंले जानकारी गराए । जुनियर ब्वाइजमा १६ तथा सिनियर गल्र्समा १२ टिमले भाग लिने छन् ।
सहभागी टिमलाई विभिन्न चार समूहमा विभाजन गरी लिग कम नकआउट आधारमा खेल खेलाइने छ । प्रत्येक समूहका शीर्ष दुई टिम क्वाटरफाइनलमा प्रवेश गर्ने छन् ।प्रतियोगिता सञ्चालन गर्न करिब २ लाख खर्च हुने बीएनएका कोओर्डिनेटर सन्तोष फुयालले जानकारी दिए । ३१ बैशाखसम्म चल्ने प्रतियोगिताका खेलहरु बसुन्धाराको नमुना टोलस्थित आयोजककै कोर्टमा हुने छ ।
प्रतियोगिताको काठमाडौं प्याब्सनका अध्यक्ष थकिनकुमार गुरुङले उद्घाटन गर्ने कार्यक्रम छ । उद्घाटन खेल जुनियर ब्वाइजतर्फ आयोजक बीएनए ‘ए’ र नेपाल मोडेलबीच हुने छ ।