खेलकुद वचत तथा ऋण सहकारी संस्था लिमिटेडको छैटौं वार्षिक साधारण सभा मंगलबार सम्पन्न भएको छ । साधारणसभाको राष्ट्रिय खेलकुद परिषद् (राखेप) का सदस्य–सचिव केशव कुमार विष्टले एक कार्यक्रमबीच उद्घाटन गरे ।
सो अवसरमा अध्यक्ष सुमन भट्टले संस्थाको वार्षिक प्रगतिविवरण प्रस्तुत गरेका थिए । २०६६ सालमा २५ सदस्यबाट सुरु गरिएको संस्थामा हाल ५ सय ४८ सदस्य छन् । राखेप अन्तर्गत कार्यरत कर्मचारीहरु मात्र संस्थामा सदस्य हुन पाउने प्रावधान छ ।