ओडिसी इन्टरनेसनल एकेडेमी र एन्जल्स हार्ट प्रथम बीएनए अन्तरविद्यालयबास्केटबल प्रतियोगिताको जुनियर ब्वाइजतर्फ बिहीबार फाइनलमा प्रवेश गरेका छन् । बसुन्धारास्थित नमुना टोलमा भएको सेमिफाइनलमा ओडिसीले ग्रिनल्यान्डलाई ३५–२० ले पराजित ग¥यो । विजेताका किरण अर्यालले ११ अंक जोडे । सचिनको ९ अंक सहयोगमा एन्जल्स हार्टले गोल्डेनपिकलाई ३१–२७ ले हरायो ।
बसुन्धारा नेसनल एकेडेमी (बीएनए) द्वारा आयोजित प्रतियोगिताको सिनियर गल्र्समा भ्याली पब्लिक ‘ए’ र एचएचसीए उपाधिका लागि भिड्ने छन् । भ्याली पब्लिक ‘ए’ ले आफ्नै ‘बी’ टिमलाई३१–२० ले पाखा लगायो । भ्यालीको जितमा प्रतिक्षा मगरले १२ अंक योगदान गरिन् । इडेन ब्रिज एकेडेमी (इबीए) विरुद्धको खेलमा एचएचसीए २९–७ ले पन्छायो । फाइनल शुक्रबार हुनेछ ।