मदन भण्डारी स्पोर्टस एकेडेमी कास्कीको आयोजनामा पोखरामा कास्की जिल्ला स्तरीय अन्तरविद्यालय छात्र–छात्रा ब्याटमिन्टन प्रतियोगिता सोमवार शुरु भएको छ । मदन भण्डारीको २३ औं स्मृति दिवसको अवसरमा आयोजित सो प्रतियोगितामा ७६ वटा समुहको सहभागिता रहको छ । यसमध्य छात्र डबलमा १४, सिंगलमा ३८, छात्राफर्त डबलमा ७ र सिंगलमा १७ वटा समुह रहेका छन् । सोमवार ४१ वटा क्वाटरफाइनल् सम्मका खेल सम्पन्न भएका छन् भने मंगलवार ३५ वटा खेल हुने एकेडेमी कास्कीका सचिव कृष्ण तिमिल्सिनाले जानकारी दिए ।
यस अघि प्रतियोगिताको नेकपा एमाले पोलिटव्यूरो वैकल्पिक सदस्य जगत विश्वकर्माले उद्घाटन गर्नुभएको थियो । एकेडेमी कास्कीका अध्यष ऋषिराम गौतमको अध्यक्षतामा भएको कार्यक्रममा नेकपा एमाले कास्कीका सचिव दामोदर वैरागी, मदन भण्डारी स्पोर्टस एकेडेमीका केन्द्रिय सदस्य राजेश गुरुङ, विष्णु बहादुर केसी लगायतले मन्तब्य ब्यक्त गरे । प्रतियोगितामा प्रथम, द्धितीय र तृतीय हुनेले क्रमशः नगद ७ हजार, ५ हजार, ३ हजार साथमा मेडल र प्रमाणपत्र प्राप्त गर्नेछन् ।