नेपाल आईस हक्की संघका अध्यक्ष लोकबहादुर शाही अन्तर्राष्ट्रिय आईस हक्की महासंघको कंग्रेसमा सहभागी हुन रुसको राजधानी मस्को प्रस्थान गरेका छन् । कंग्रेसमा नेपाललाई परिवेक्षकका रुपमा अन्तर्राष्ट्रिय आइस हक्की महासंघ (आइआइएचएफ) ले निमन्त्रणा गरेको हो । कंगे्रस १९ देखि २१ मे सम्मचल्ने छ । सो कंग्रेसमा नेपाल आईस हक्की संघलाई अन्तर्राष्ट्रिय आईस हक्की महासंघले आवद्धता दिने बताइएको छ ।
शाहीलाई बुधबार नेपाल आइस हक्की संघका केन्द्रीय पदाधिकारीहरुले एक कार्यक्रमबिच विदाई गरेका थिए । कोषाध्यक्ष हरि मानन्धर, केन्द्रीय सदस्य गणेश पाण्डे, जितमान तामाङ, विपिका अधिकारीलगायतले शाहीलाई विदाई गरेका थिए ।
शाहीले सो अवसरमा नेपालमा आईस रिंक निमार्ण गर्नकालागि आइआइएचएफले टेक्निकल टिम पठाउने विषयमा पनि छलफल हुने बताए ।