राष्ट्रिय खेलकुद परिषद् (राखेप) अन्तर्गत विद्यालय खेलकुद विकास विभागका प्रमुख मदनजंग राणाको निधन भएको १३ औं दिनको पुण्यतिथिमा आइतबार राखेपले श्रद्धाञ्जलि सभा आयोजना ग¥यो ।
त्यस अवसरमा राखेपकी निमित्त सदस्य–सचिव शकुन्तला नगरकोटी, वरिष्ठ अधिकृत कमल खनाल, खेलकुद विकास विभागका प्रमुख कुलबहादुर थापा, खेलकुद प्रतियोगिता तथा योजना विभागका प्रमुख प्रकाशचन्द्र घिमिरे, राखेप कर्मचारी संघका पदाधिकारी, कर्मचारीलगायतले स्व. राणाको तस्वीरमा अविर र पुष्पगुच्छा चढाईं भावपूर्ण श्रद्धाञ्जलि अर्पण गरेका थिए ।
त्रिपुरेश्वरस्थित राखेप परिसरमा आयोजित सभामा दिवंगत आत्माको चिरशान्तिको कामना गर्दै एक मिनेट मौन धारण गरिएको थियो । २०४५ सालमा राखेपमा सेवा प्रवेश गरेका ५४ वर्षीय राणाको गत बैशाख २८ गते हृदयघाटका कारण मृत्यु भएको थियो ।