राष्ट्रिय खेलकुद परिषद् (राखेप) अन्तर्गत नेपाल खेलकुद विज्ञान प्रतिष्ठान (सान) ले सञ्चालन गरेको लेभल वान कोर्षको क्रिकेटमा रोजिल थापा, फुटबलमा ओजेश पोखरेल तथा टेबलटेनिसमा आयुश गौतम प्रथम भएका छन् ।
त्यस्तै लेभल टुको क्रिकेटमा अनिललाल प्रधान र शशांक जोशी, फुटबलमा एलस श्रेष्ठ तथा टेबलटेनिसमा प्रबोध केसी प्रथम भए । लेभल वान र टुमा जम्मा २ सय ३० जना सहभागी भएकामो १ सय ७० उत्तीर्ण भएको सानकी अधिकृत अनन्तादेवी खनालले जनाएकी छन् ।
उनीहरुलाई राखेप सदस्य–सचिव केशकुमार विष्ट, राखेपका प्रेस सल्लाहकार रोहित दाहाल, सानका निर्देशक डा. प्रकाश प्रधान, राखेप कर्मचारी संघका अध्यक्ष रञ्जन थापा लगायतले प्रमाण पत्र वितरण गरे ।