टिम माया र नासा इन्टरनेसनल कलेजले थ्री बाइ थ्री बास्केटबल प्रतियोगिताको उपाधि आइतबार जितेका छन् । माया ब्वाइज र नासा गल्र्समा च्याम्पियन बने ।चावहिलस्थित बाबा बोर्डिङ हाइ स्कुलको कोर्टमा भएको ब्वाइज फाइनलमा मायाले सीसीआरसीलाई १८–१६ को साँघुरो अन्तरले पराजित ग¥यो । मायाको जितमा सन्तोष दाहालले ८ अंक योगदान गरे ।
गल्र्सको उपाधि भिडन्तमा नासाले टिम मायालाई ११–५ ले हरायो ।नासाकी सुशीला तामाङले ६ स्कोर गरिन् ।फाइनलका सर्वाधिक स्कोरकर्ताद्वय सन्तोष र सुशीला ‘मोस्ट भेलुएबल प्लेयर’ चुनिए ।
विजेतालाई बाबाका भाइस प्रिन्सिपल डिबी दाहाल, राष्ट्रिय रेफ्री राजन सिंहलगायतले एक कार्यक्रमबीच पुरस्कृत गरे । दुईदिने प्रतियोगिताको ब्वाइजमा २३ तथा गल्र्समा ११ टिमले लिग कम नकआउट आधारमा प्रतिस्पर्धा गरेको प्रतियोगिता संयोजक डिकेश प्रधानले जनाएका छन् ।