मदन भण्डारी स्मृति प्रथम नगरकप फुटबलको उपाधिका लागि चन्द्रागीरी नगर पालिका र चन्द्रागीरी वेस्टर्न भिड्ने भएका छन् । मदन भण्डारी स्पोट्र्स एकेडेमीको तत्ववाधन र बुढानिलकण्ठ नगर कमिटीको आयोजनामा भएको फुटबल प्रतियोगिताकाको उपाधिका लागि एउटै नगरका दुई टिम शनिबार भिड्ने भएका छन् । बुढानिलकण्ठ स्कुलको मैदानमा हुने फाइनलमा एकै नगरकै टिमले एक अर्का प्रति चूनौती पेस गर्नेछन् । उपापि विजेताले नगद १ लाख र ट्रफि प्राप्त गर्नेछन् । उपविजेताले ५० हजार नगद शहित ट्रफि प्राप्त गर्नेछन् । विधागत उत्कृष्टलाई पनि पुरस्कृत गरीने आयोजकले जनाएको छ । बेस्ट प्लेयर,आई स्कोरर,बेस्ट गोलरक्षक र बेस्ट डिफेन्डर नगद पाँच हजार र ट्रफिद्धारा पुरस्कृत गरीनेछ । त्यस्तै यसअघि चन्द्रागीरी नगरपालिकाको चन्द्रनगर युवा समाजले दोस्रो सेमिफाईनलमा बुढानिलकण्ठ नगरपालिकालाई ३–१ गोलले हराउदै आफ्नै टिमसँगको भेट पक्का गरेको थियो । पहिलो सेमीफाइनलमा भने चन्द्रागीरी नगरपालिकाले बौद्धको शान्ति नगर युवा क्लबलाई २–० ले हराउदै फाइनलको यात्रा तय गरेको थियो ।