राकेश गुप्ता र जितेन्द्रमान जोशीले ओलम्पिक डेका अवसरमा आयोजित स्क्वास प्रतियोगिताको पुरुष सिंगल्समा शनिबार जित हात पारेका छन् । सातदोबाटोस्थित स्क्वास एकेडेमीमा भएको खेलमा राकेशले अशिषकेशर सिंह तथा जितेन्द्रले शैलेश अमात्यलाई समान ३–१ को सेटमा पराजित गरे ।पुरुष सिंगल्सकै अन्य प्रतिस्पर्धामा मित्रलाल गौरले अजरकेशर सिंह, सिबु थापाले ज्ञानु चौधरी, उमेश शाक्यले अमिर ब्लोन तथा सुगम सुल्तानले अजितकेशर सिंहलाई समान ३–० को नतिजामा हराए ।
ब्वाइज यु–१७ सिंगल्समा अमिर ब्लोनले गेल्जी तामाङलाई ३–०, रोहन अग्रवालले सनित आचार्यलाई ३–०, वीरमान मगरले सञ्जय तामाङलाई ३–०, गोपाल थापाले सलिम थापा मगरलाई ३–२, माधव बहिटीले सुवास गिरीलाई ३–० तथा रमित थापाले विकास मगरलाई ३–२ ले पन्छाए ।
स्पोर्ट्स फर अल कमिसन र नेपाल स्क्वास ¥याकेट्स संघद्वारा संयुक्त आयोजित प्रतियोगिता शनिबारसम्म चल्नेछ ।