इनोभेटिभले मोर्गन कप १२ औं महिला तथा १३ औं पुरुष राष्ट्रिय क्लबस्तरीय बास्केटबल प्रतियोगिताको पुरुषतर्फ मंगलबार जित हात पारेको छ । इनोभेटिभले केइसीलाई ६३–४५ ले पराजित ग¥यो । इनोभेटिभको जितमा रवि गिरीले २० अंक योगदान गरे ।
पहिलो क्वाटरमा १८–१६ को अग्रता लिएको इनोभेटिभले दोश्रोमा २२–१२ को अग्रता हासिल ग¥यो । तेश्रोमा पनि अग्रता बनाउने क्रममा इनोभेटिभले १२–५ को प्रदर्शन ग¥यो । अन्तिम तथा चौथो क्वाटरमा इनोभेटिभ ११–१२ को झीनो अन्तरले पछि प¥यो ।
नेपाल बास्केटबल संघको आयोजनामा भइरहेको प्रतियोगिताअन्तर्गत पुरुषको अर्को खेलमा गोल्डेनगेटले बाबालाई ८५–५८ को फराकिलो अन्तरले हरायो । गोल्डेनगेटका सिद्धार्थ महर्जनले १६ स्कोर गरे । चारै क्वाटरमा अग्रता लिएको गोल्डेनगेटले क्रमशः २२–१३, १८–१२, २४–१८ र २१–१५ अंक जोड्यो ।