रुपिज इन्टरनेसनल स्कुलले शुक्रबार प्रथम बीएमएस अन्तरविद्यालय छात्र बास्केटबल प्रतियोगितामा लगातार दोस्रो जित हात पारेको छ ।
एक दिनअघि एक्सेल्सियरलाई हराएको रुपिजले आज मेरिडियनलाई ४८–३२ ले पराजित गर्यो । रुपिजका लागि चाल्र्स लेनले सर्वाधिक १७ स्कोर गरे ।
अन्य खेलमा टिआइए र एक्सेल्सियरले जित हात पारे । टिआइएले बाबालाई प्रतिस्पर्धात्मक खेलमा ३७–३२ ले निराश बनायो । टिआइएका लागि दर्शन गुरुङले गरेको १२ स्कोर महत्वपूर्ण बन्यो । यसैगर, एक्सेल्सियरले पहिलो जित हात पार्ने क्रममा वृहस्पितिलाई ५९–२९ ले हरायो । सो खेलमा विजयी टिमका यसवन्त गुरुङले सर्वाधिक १९ स्कोर गरे ।