रुपिज इन्टरनेसनल स्कुल र ठुङराम इन्टरनेसनल एकेडेमी (टीआईए)प्रथम बीएमएस अन्तरविद्यालय छात्र बास्केटबल प्रतियोगितामा सोमबार सेमिफाइनलमा प्रवेश गरेका छन् ।समूह ‘बी’ को लिग खेलमा रुपिजले बृहस्पति विद्या सदनलाई ३७–२८ ले पराजित गर्दै समूह विजेता बन्यो । रुपिजको जितमा आभाष श्रेष्ठले १६ अंक योगदान गरे ।
समूह ‘ए’ को लिगमा टीआईएले आयोजक बौद्ध मेरिडियनलाई ५६–१५ को फराकिलो अन्तरले हरायो । टीआईएका सालिन शेरचनले १३ अंक जोडे ।समूह ‘ए’ कै अर्को खेलमा मल्पी पनि जित हात पार्दै सेमिफाइनलमा पुग्यो । मल्पीले बाबालाई ५७–३७ ले निराश पा¥यो । मल्पीका साहिल चुकेले १८ स्कोर गरे । टीआईए र मल्पीबीचको खेलले समूह ‘ए’ को विजेताको टुंगो लाग्ने छ ।