प्रधानमन्त्री कप विश्व विध्यालय बुद्धिचाल प्रतियोगितामा त्रिभुवन विश्व विध्यालय पाँचौ चरणको खेल सम्पन्न हुँदा पूर्ण १० अंक सहित अग्रस्थानमा रहेको छ। चौथो चरणको खेलमा ती यूले कृषि विज्ञान विश्व विध्यालयलाई ४-० ले हराउन सफल भए भने पाँचौ चरणको खेलमा  सुदुर पश्चिमलाई ४- ०   ले नै पराजित गरे ।त्रियुका मनोज चापागाईंले नरेशपन्तलाई, संजिव कुमार चौधरीले अमित जोशीलाई हराए भने अोमकार राज थपलियाले शंकर महत र लक्ष्मीप्रसाद अोलीले देवकी पन्त माथी जीत हात पारे।
सातदोबाटो स्थित अन्तर्राष्ट्रिय खेलकुद परिसरमा जारी प्रतियोगितामा काठमाडौ युनिभर्सिटी 7 अंक सहित दोस्रो स्थानमा रहेका छन्।  काठमाडौले नेपाल संस्कृतलाई पाँच चरणको खेलमा ३-१ ले पराजित गर्न सफल भए। काठमाडौका उत्सव पराजुलीले चेतनाथ भट्टराई , अाषिश श्रेष्ठले देवराज दाहाल , रोशन कस्तीले प्रदिप घिमिरे र रुपेश डंगोलले रौनक अधिकारी माथि सफलता प्राप्त गरे। त्यसैगरी समान ५ अंक नै जोडेका कृषि विज्ञान तेस्रो स्थानमा छन्। पाँचौ चरणको खेलमा कृषि विज्ञान र पूर्वान्चल बीचको खेल २-२ को बराबरी भएको थियो।