साउन ६ मा हुने पल्सर स्पोर्ट्स अवार्डका लागि बर्षका बर्षका उत्कृष्ट युवा खेलाडीको मनोनयनमा उसुकी नीमा घर्तीमगर, पौडीकी गौरिका सिंह, जुडोकी मनीता श्रेष्ठ प्रधान, फुटबलका अन्जन विष्ट र क्रिकेटका सन्दीप लामिछाने परे । आयोजक खेलकुद पत्रकार मञ्चका सचिव राजु घिसिङको संयोजक तथा निरन्जन राजवंशी, हिमेशरत्न बज्राचार्य, प्रजित शाक्य, सरिता श्रेष्ठ, आदर्श ढकाल र प्रज्वल ओली सदस्य रहेको सात सदस्यीय खेलाडी छनोट समितिले २०७२ सालमा भएका राष्ट्रिय तथा अन्तर्राष्ट्रिय प्रतियोगितामा गरिएको प्रदर्शन तथा हात पारेको नतिजाको नतिजाको आधारमा मनोनयन सूचि तयार पारेको हो ।
उसुकी नीमा घर्तीमगर १२ औं सागमा नेपाललाई पहिलो स्वर्णपदक विजेता हुन् । पौडीकी गौरिका सिंह
१२ औं सागमा ऐहितासिक १ रजत र ३ कांस्यसहित चार पदक जित्न सफल भएकी थिइन् । क्रिकेटका सन्दीप लामिछाने बंगलादेशमा सम्पन्न आईसीसी यू १९ विश्वकपका ६ खेलमा १४ विकेट लिन सफल भएका थिए । जुडोकी मनीता श्रेष्ठ प्रधान१२ औ सागमा ५७ केजीमुनिको स्पर्धामा रजत पदक जितेकी
हुन् । फुटबलका अन्जन विष्ट बंगबन्धु गोल्डकप र १२ औं साग र साफको उपाधि विजेता टोलीका सदस्य हुन् ।