कास्की जिल्ला तेक्वान्दो संघ १० औं वर्षमा प्रवेश गरेको अवसरमा पोखरामा आयोजित ‘हिमालायन कम्पुटर प्रदेश नम्बर चार स्तरियय अन्तर जिल्ला तेक्वन्दो प्रतियोगिता’को उपाधी वागलुङ्ग जिल्लाले हात पारेको छ । बाग्लुङ जिल्लाले उपाधी प्राप्त गर्दै प्रतियोगितामा चार स्वर्ण, एक रजत र एक काश्य पदक प्राप्त गरेको थियो ।
यसै गरि पर्बत जिल्लाले चार स्वर्ण र दुई रजत प्राप्त गर्दै दितिय स्थान पायो भने कास्की जिल्लो एक स्वर्ण, चार रजत र तीन काश्य सहित तेश्रो भयो । प्रतियोगितामा कास्कीकी नयना मगरले महिला तर्फ उत्कृष्ट खेलाडीको उपाधी प्राप्त गरिन भने पुरुष तर्फ पर्बतका दिपेश गुरुङले प्राप्त गरे । प्रतियोगितामा प्रदेश नं. ४ अन्तर्गत गोरखा, तनहँु, पर्वत, बाग्लुङ, म्याग्दी र कास्की गरी ६ जिल्लाका ६० जना खेलाडीहरुको सहभागिता रहको थियो ।

प्रतियोगितामा विजयी खेलाडी तथा टिमहरुलाई पश्चिमाञ्चल क्षेत्रीय प्रशासक शंकर प्रसाद कोइराला र पश्चिम क्षेत्रीय प्रहरी प्रमुख प्रहरी नायब महानिरिक्षक कमल सिंह बम लगायतले बिजयी टिम तथा खेलाडीहरु लाई पुरस्कार वितरण गरे ।
वि.सं. २०६४ सालमा स्थापना भएको कास्की जिल्ला तेक्वान्दो संघले स्थापना कालदेखि नै तेक्वान्दो खेल विकासका लागि विभिन्न स्थानिय, राष्ट्रिय तथा अन्तर्राष्ट्रिय प्रतियोगिताहरु नियमित रुपमा संचालन गर्दै आइरहेको छ । संघले २०७२ फागुनमा संघले पोखरामा आयोजित अन्तर्राष्ट्रिय स्तरको प्रतियोगिता “२०१६ पोखरा विश्व तेक्वान्दो हान्मादाङ” समेत आयोजना गरिसकेको छ । संघका गतिविधिबाट तेक्वान्दो खेलको मात्र विकास नभई समग्र पर्यटन क्षेत्र समेत लाभान्वित भएको अध्यक्ष जगन गुरुङ्गले वताए ।
पोखरा रंगशालामा दुइ दिन सम्म संचालन भएको सो प्रतियोतिाको खर्च ४ लाख ९२ हजार रहेको जिल्ला तेक्वान्दो संघका सचिव राजन पौडेलले जानकारी दिए । प्रतियोगिताको मुख्य प्रायोजन हिमालयन कम्पुयुटर पोखराले गरेको थियो ।