२६ औं कम्पिटिसन अफ बर्न, स्विट्जरल्यान्ड एन्ड ओपन स्विस च्याम्पियनसिपमा सहभागी हुन १ खेलाडीसहित २ सदस्यीय नेपाली मोर्डन पेन्टाथलन टोली बुधबार स्विट्जरल्यान्डको बर्न प्रस्थान गरेको छ ।मोर्डन पेन्टाथनअन्तर्गत तेत्राथलनमा मिराज प्रजापतिले प्रतिस्पर्धा गर्नेछन् । तेत्राथलनमा फेन्सिङ, पौडी, सुटिङ र दौडमा प्रतिस्पर्धा गर्नुपर्ने हुन्छ । प्रशिक्षक तथा व्यवस्थापकमा राजु दर्शन रहेका छन् ।
टोलीलाई सफलताको शुभकामना दिदै राष्ट्रिय खेलकुद परिषद्का सदस्य–सचिव केशवकुमार विष्टले एक कार्यक्रमबीच बिदाइ गरे । च्याम्पियनसिप जुलाई २३ र २४ तारिखमा हुनेछ ।