हिम्स र ओडिसी श्रीदिवा मन्सुन मिट बास्केटबल प्रतियोगिताको ब्वाइजतर्फ मंगलबार क्वाटरफाइनलमा प्रवेश गरेका छन् । हिम्सले रिब्सलाई ५६–४० ले पराजित ग¥यो । हिम्सका तेन्जिङ जिग्मेले २५ अंक जोडे । सागर लामाको २० अंक सहयोगमा ओडिसीले युनिभर्सललाई ३९–२८ ले हरायो ।
श्रीदिवा इन्टरनेसनल स्कुलद्वारा आयोजित प्रतियोगिताको ब्वाइजमै विल्सन एकेडेमी र माउन्ट कैलाश पनि क्वाटरफाइनल पुग्न सफल भए ।
विल्सनले ज्ञाननिकेतनलाई ६२–४८ ले पाखा लगायो । विजेताका पेम्बा शेर्पाले ३४ स्कोर गरे । माउन्ट कैलाशले होली भिजनलाई ३३–२१ ले निराश पा¥यो । माउन्ट कैलाशको जितमा देवबहादुर दवाडीले ८ अंक योगदान गरे ।
यससंगै ब्वाइजतर्फ क्वाटरफाइनल समीकरण पूरा भएको छ । क्वाटरफाइनल हिम्स र माउन्ट कैलाश, श्रीदिवा र ओडिसी, हिमालयन ह्याप्पी चिल्ड्रेन एकेडेमी (एचएचसीए) र स्किब्स तथा विल्सन र एलआरआईबीच हुनेछ ।
गल्र्सतर्फ भने सेमिफाइनल समीकरण तयार भएको छ । सेमिफाइनलमा आयोजक श्रीदिवाको भेट इनोभेटिभसंग हुनेछ भने रिलायन्स रेसिडेन्सियलले डाफोडिल विरुद्ध खेल्नेछ ।