नेपाल कराते महासंघको आयोजनामा चार दिने राष्ट्रिय रेफ्रि सेमिनार तथा इग्जामिनेशन र प्रशिक्षक एग्रीडेसन कोर्ष २०७३ भाद्र ७ गते देखि संचालन हुने भएको छ ।
वल्र्ड कराते फेडरेसन, एसियन कराते फेडरेसन तथा दक्षिण एशियाली कराते फेडरेसन को नीति नियम बमोजिम कराते खेललाई पारदर्शी व्यवस्थित रुपमा संचालन गर्न डब्लुकेएफले प्रतिपादन गरेको रेफ्री कोर्षको कुमिते र काता विधा सम्वन्धि ज्ञान तथा स्तरिय कोच हुन निभाउनु पर्ने नीति नियम, कोचको जिम्मेवारी, प्रतियोगितामा कोच हुंदा अपनाउनु पर्ने नीति तथा खेलाडी डोपीङ्ग टेष्ट सम्वन्धि तालिम दिने उदेश्यले उक्त सेमिनार आयोजना गर्न लागिएको रेफ्रि कमिसनका अध्यक्ष प्रकाश धौवडेलद्वारा जारी बिज्ञप्तीमा जनाईएको छ ।
सन् २०२० मा जापानमा आयोजना हुने ओलम्पिक खेलमा कराते खेल समावेश भएको र नेपालमा आयोजना हुने १३ औं सागमा कराते खेल समावेश हुने प्रवल सम्भावना रहेकोले आठौं सागमा नेपालले कराते खेलबाट जुन उपलब्धी हासिल गरेको थियो त्यस उपब्धिलाई पुन उचाईमा पु¥याउन र ओलम्पिकमा कराते खेलबाट पदक प्राप्त गर्न प्रशिक्षक तथा निर्णायकहरुको भूमिका महत्वपूर्ण रहेकोले यस सेमिनार तथा कोर्षलाई कसैले पनि छुटाउन नहुने अध्यक्ष धौवडेलले बताए ।
यसका साथै दक्षिण एशियामा करातेको देश भनेर चिनिएको नेपालमा उत्कृष्ट खेलाडी उत्पादनमा यस कोर्षले महत्वपूर्ण भूमिका खेल्नेमा दुईमत नभएको धौवडेलको भनाई छ ।
यस सेमिनार तथा कोर्ष उत्तिर्ण कुमिते निर्णायक बी तथा प्रशिक्षक मध्येबाट सेप्टेम्बर महिनमा भारतको नयाँ दिल्लीमा आयोजना हुने डब्लुकेएफसेमिनार र एग्जामिनेशन तथा दक्षिण एशियाली कराते प्रतियोगितामा १५ जना निर्णायक र ५ जना प्रशिक्षकलाई छनोट गरिने समेत बिज्ञप्तीमा जनाईएको छ । यस्तै अक्टोबरमा ईन्डोनेसियामा हुने एशियन कराते महासंघको एकेएफ च्याम्पियनसिप दौरान हुने रेफ्रि अपग्रेड परिक्षाका लागि समेत १५ जना निर्णायकहरुको छनोट गरिने छ ।
बार्षिक रुपमा यो सेमीनार र प्रतियोगिता संचालन गरिने भएकोले अर्को वर्षबाट अपग्रेड परिक्षा र निर्णायक बीको कुमिते एग्जामिनेसन तथा काता अपग्रेड र काता निर्णायक बीको परिक्षा र प्रशिक्षक एग्रीडेसन कोर्ष गराई उतिर्ण निर्णायकहरुले प्रतियोगितामा अनिवार्य रेफ्रीको भूमिका निभाउनु पर्ने समेत जनाईएको छ ।
२५ वर्ष उमेर पुरा भएका र तेश्रो डान ब्ल्याकबेल्ट डिप्लोमा हासिल प्रशिक्षक तथा निर्णायकहरुले यस सेमिनारमा सहभागिता जनाउन पाउने छन् । यही एनकेएफको ग्रेड अनुसारको लाईसेन्स र प्रतियोगितामा निभाएको भुुमिकाको आधारमा रेफ्रि कमिसनले अपग्रेड एग्जाम, लाईसेन्स रिन्यु तथा राष्ट्रिय तथा अन्तराष्ट्रिय प्रतियोगिताहरुमा अफिसियल तथा प्रशिक्षकहरुको चयन गरिने समेत धौवडेलले जानकारी गराए ।
सेमिनारमा सहभागी निर्णायक र प्रशिक्षकहरुलाई डब्लुकेएफ र एकेएफ ए ग्रेड काता र कुमितेका रेफ्रि तथा एशियन कराते महासंघका रेफ्रि कमिसनका सचिव सेन्साई मिचेल हुआङ्गले तथा कराते महासंघका प्रशिक्षकले प्रशिक्षण प्रदान गर्ने कार्यक्रम रहेको छ ।