आयोजक ग्रिनल्याण्ड स्कुलको उत्कृष्ट प्रदर्शनमा सामाखुसी बोडिङ स्कुल (सेब) पराजित भएकोे छ । ११ औँ क्वीक्स् ग्रिनल्याण्ड अन्तरविद्यालय बास्केटबल प्रतियोगितामा सिनियर ब्वाईजको उद्घाटन खेलमा ग्रिनल्याण्डले सेबमाथी ६९–३२ को सहज जित निकाल्यो । ग्रिनल्याण्डको जितमा उत्कृष्ट प्रर्दशन गरेका अनिष श्रेष्ठले महत्वपूर्ण २४ स्कोरको योगदान दिए । धापासी स्थित ग्रीनल्याण्ड स्कुुलको कोटमा भएको सिनियर ब्वाईजको दोश्रो खेलमा नम सुुनारले महत्वपूर्ण २६ स्कोरको मद्दतमा स्काईलार्कले टिआईएलाई ६३–३६ ले हरायो । जुुनियर ब्वाईजको खेलमा भने सेबले उत्कृष्ट प्रदर्शन गदै स्काइलार्कलाई ३६–७ ले हरायो । सेबको जितमा रबि शर्माले सर्वाधिक १२ स्कोरको योगदान पुु¥याए ।
प्रतियोगिताको उद्घाटन काठमाडौँ जिल्ला पाब्सनका अध्यक्ष एवम् आयोजक ग्रीनल्याण्ड स्कुुलका प्रिन्सिपल थकिनकुमार गुरुङले बिहिवार गरे । लिगकम नकआउटका आधारमा सञ्चालन हुने प्रतियोगितामा ४० बिद्यालयको सहभागीता रहेको छ । प्रतियोगितामा सिनियर व्वाइजमा १६ तथा जुनियर व्वाइजमा २४ विद्यालयले प्रतिस्पर्धा गदैछन् । आयोजकले जुुनियर ब्वाईजमा भने खेलाडीको उचाई ४ फिट १० इन्च भन्दा सानो हुने पर्नेे प्राव्धान राखेको छ । श्रावण २७ गते देखी भाद्र ३ गते सम्म सञ्चालन हुने प्रतियोगितालाई चौधरी ग्रुपको क्वीक्स् चीज बलले मुख्य प्रायोजन गर्दै आएको छ ।