नेपाल रेन्बुकाइ कराते डो संघको आयोजनामा चौथो राष्ट्रिय खुला रेन्बुकाइ कराते प्रतियोगिता शुक्रबारदेखि हुने भएको छ ।
प्रतियोगितामा करिब ४ सय खेलाडीले २२ स्पर्धामा प्रतिस्पर्धा गर्ने आयोजक संघका अध्यक्ष रेशमलाल लामाले जनाएका छन् । पुरुषमा १२ र महिलामा १० स्वर्णका लागि भिडन्त हुनेछ ।
दुईदिने प्रतियोगिताका खेलहरु कपनस्थित लिटिल मुन स्कुलमा हुनेछन् । प्रतियोगिताको पूर्व प्रधानमन्त्री झलनाथ खनालले उद्घाटन गर्ने कार्यक्रम रहेको छ ।