साइपाल एकेडेमीले कामाद कप सिक्स ए साइड पुरुष फुटबल प्रतियोगितामा बिहीबार विजयी सुरुआत गरेको छ ।एकपक्षीय उद्घाटन खेलमा साइपालले कामाद कलेजलाई ९–० को फराकिलो गोलअन्तरले पराजित ग¥यो । पुनम बुढाथोकीले दोहोरा ह्याट्रिक गरे भने उजेन लामाले पनि ह्याट्रिक पूरा गरे ।कामाद कलेजको मुख्य प्रायोजनमा काठमाडौं वडा नं. ७, चावहिलद्वारा आयोजित प्रतियोगिताको अन्य खेलमा वीरेन्द्र पुस्तकालय, केयूसीटीसी कलेज र निमा टिम विजयी भए ।
वीरेन्द्र पुस्तकालयले सिन्धु स्पोर्ट्सलाई ३–१ ले हरायो । विजेताका सरोज डंगोल, दीपेश केसी र रुपेश केसीले १–१ गोल गरे । सिन्धुका राजनले सान्त्वना गोल गरे । केयूसीटीले कस्मोपोलीटियन कलेजलाई ५–० गोलले पाखा लगायो । विजेतका आशिष लामाले ह्याट्रिक गरे भने लक्ष्मणले २ गोल गरे ।
हाइवे फुटसल विरुद्धको खेलमा निमा टिम २–१ ले विजयी भयो । निमाका आशिष लामाले २ गोल गरे । हाइवेका रमेश डंगोलले १ गोल फर्काए ।
प्रतियोगिताको युवा नेता गगन थापाले एक कार्यक्रमबीच उद्घाटन गरे । विजेताले १ लाख र उपविजेताले ५० हजार नगद पुरस्कार पाउने छन् । उत्कृष्ट खेलाडी, गोलरक्षक, मिडफिल्डर र डिफेन्डरलाई जनही १० हजार नगदबाट पुरस्कृत गरिने छ । भदौ १८ गतेसम्म चल्ने नकआउट प्रतियोगितामा ५२ टिम सहभागी छन् ।