मदन भण्डारी अध्ययन केन्द्र, का.म.पा. १५ वडा कमिटीव्दारा आयोजित मदन भण्डारी बुद्धिचाल कप २०७३ विद्यालय स्तरीय बुद्धिचाल प्रतियोगिता डल्लु आवास स्थित सामुदायिक भवनमा शुरु भएको छ । नेपाल ओलम्पिक कमिटीका अध्यक्ष जीवन राम श्रेष्ठको प्रमुख आतिथ्यतामा भएको उद्घाटन समारोहमा सांसद मा. प्रभादेवी बज्राचार्यबाट गोटी चालेर उद्घाटन गर्नु भएको थियो । का.म.पा. १५ वडा स्थित १६ वटा विद्यालयका ९४ विद्यार्थीहरु सहभागी उक्त प्रतियोगितामा दुई राउण्डको चरणमा संगम दाहाल, पारस लामा,श्याम यादव, निशान ढकाल, आयुश घोरासैनी लगायतका खेलाडीहरु अग्र स्थानमा रहेको आयोजक म्दन भण्डारी अध्ययन केन्द्र, का.म.पा. १५ वडा कमिटीका अध्यक्ष राजा शाक्यले बताउनु भएको छ । प्रतियोगिता स्वीस सिस्टमको ९ राउण्डमा यही भाद्र ११ गतेसम्म चल्नेछ । उद्घाटन समारोहमा नेपाल बुद्धिचाल संघका उपाध्यक्ष नारायण दास गमाल, राष्ट्रिय विश्व विद्यालय खेलकुद संघका महासचिव चन्द्र लामा लगायत स्थानीय नेताहरुको सहभागिता रहेको थियो ।