पायोनियर स्कुल कपनका विराज पुडासैनी र अन्नपुर्ण उमावि ज्याठाका मोहम्मद अदनान आदिल सुचिता स्मृति तेस्रो उपत्यकाव्यापी अन्तर स्कुल रनिङ्ग शिल्ड बुद्धिचाल प्रतियोगिताको शिर्ष स्थानमा छन् । शुक्रबार पांचौं चरणसम्मका खेल समाप्तिमा दुबैले सबै खेल जितेका छन् ।नागार्जुना एकेडेमी कुपन्डोलद्धारा आयोजित प्रतियोगितामा सुप्रिम स्कुलका सजिन दाहाल, पायोनियरका सन्देश कटवाल, सुदिप तामाङ्ग, अनिशा न्यौपाने, ग्रीनल्याण्ड धापासीका युवराज पौडेल, विशाल सुनुवार, दीपज्योती गोंगबुका अपिल रिमाल, महाँकाल माविका बिजय टमाटा, अन्नपुर्णका दिपेन्द्र गमाल, राजकुमार शाहले समान ४ अंक हासिल गरेका छन् ।

स्वीस लिग ७ चरणका खेल हुने तीन दिने प्रतियोगितामा उपत्यकाका १४ वटा स्कुलका ८१ जना छात्रा छात्रहरुको सहभागि छन् । शनिबार छैटौं र सातौं चरणका खेलका साथै पुरस्कार वितरण कार्यक्रम हुनेछन् ।