नेपालले मलेसियामा जारी सोलीडारिटी कप फुटबलमा समुहमा पहिलो स्थान पाउदै सेमिफाइनलको यात्रा तय गरेको छ । टिमोर लेस्टसंगको पहिलो खेलमा गोलरहित बराबरी गरेको नेपालले मंगलबार ब्रुनाइसंग भएको खेलमा ३–० को जित हात पा–यो । नेपालका लागि नवयुग श्रेष्ठ, भरत खवास र विमल घर्तीले गोल गरे । पहिलो हाफको इन्जुरी समयमा नवयुगको गोलमा अग्रता लिएको नेपालका लागि ७२ औ मिनेटमा भरतले गोल गरे । ८० ओ मिनेटमा आफैलाई लडाइए पछि पाएको पेनाल्टी अबसरलाई विमलले उपयोग गरे ।