विद्या संस्कार स्कुलले प्रथम एपेक्स लाइफ यु–१२ छात्र अन्तरविद्यालय फुटसल प्रतियोगितामा सोमबार विजयी सुरुआत गरेको छ । सरस्वतीनगरमा भएको खेलमा विद्या संस्कारले विल्सन एकेडेमीलाई ४–१ गोलअन्तरले पराजित ग¥यो । विजयी टिमका लागि संगम बुढाथोकीले २ तथा अथर्ब कोइराला र प्राण्जल तिवारीले १–१ गोल गरे । विल्सनका अश्वलभ श्रेष्ठले १ गोल गरे ।
एपेक्स लाइफ स्कुलद्वारा आयोजित प्रतियोगिताको अन्य खेलमा काभ्या, प्यारागन र संस्कृतिले जित हात पारे ।
काभ्याले आयोजक एपेक्सलाई ३–० ले हरायो । काभ्याका सुदिक्य ढकालले ह्याट्रिक गरे । प्यारागनले ठुङ्राम इन्टरनेसनल एकेडेमी (टीआईए) लाई ५–३ गोलले निराश पा¥यो । प्यारागनका श्रीबिक काफ्ले र विवेक तामाङले २–२ तथा शिशीर मोक्तानले १ गोल गरे । टीआईएबाट सुबोध लामिछानेले २ तथा तेन्जिङ शेर्पाले १ गोल फर्काए ।
बृहस्पति विद्या सदन विरुद्धको खेलमा संस्कृति ६–१ ले सहजै विजयी भयो । संस्कृतिका लागि देभाम्स आचार्यले सबै ६ गोल गरे । बृहस्पतिका सुबोध श्रेष्ठले सान्त्वना गोल गरे ।
प्रतियोगिताको एपेक्सका प्रिन्सिपल विशाल क्षेत्रीले निर्णायक चन्द्र बुद्धचार्यलाई एक कार्यक्रमबीच बल हस्तान्तरण गरी उद्घाटन गरे । पाँचदिने प्रतियोगितामा ८ टिमले लिग कम नकआउट आधारमा प्रतिस्पर्धा गरिरहेका छन् ।