चौथो राष्ट्रिय प्रोफेशनल तेक्वान्दो आइटिएफ च्याम्पियनसिप आगामी मंसिर १८ गते हुने भएको छ । नेपाल आइटिएफ राष्ट्रिय ब्ल्याक बेल्ट कमिटीको आयोजना र बाग्लुङ जिल्ला आइटिएफ तेक्वान्दो सघंको सह–आयेजनामा हुने च्याम्पियनसिप बाग्लुङको बुर्तिबाङमा सञ्चालन हुनेछ।
पहिलो पटक हुन लागेको प्रोफेशनल प्रतियोगितामा दुई विधामा हुने नेपाल आइटिएफ राष्ट्रिय ब्ल्याक बेल्ट कमिटीका अध्यक्ष घम बहादुर थापा मगरले बताए । नेपाल आइटिएफ तेक्वान्दो महासंघको प्राविधिक सहयोगमा हुने प्रतियोगितामा पुरुषतर्फ स्पेसल फ्री स्पाएरिङ र प्रोफेशनलको ५७देखि ६४ केजी तौल सुमहमा खेल हुनेछ । उक्त च्याम्पियनपसिपमा न्युनतम ब्ल्याक बेल्ट पहिलो डान र राष्ट्रिय प्रतियोगिता खेलि सकेका खेलाडीले मात्र सहभागीता जनाउनेछन् । उक्त प्रोफेशनल च्याम्पियनसिपमा खेल्नका लागि पाँच विकास विकास क्षेत्र र दुई विभागिय क्लबबाट छनोट चरण पार गर्नु पर्नेछ ।
प्रतियोगितामा मध्यमाञ्चल, पश्चिमाञ्चल, मध्यपश्चिमाञ्चल, सुदुरपश्चिमाञ्चल, पुर्वाञ्चल विकास क्षेत्र तथा दु्ई विभागिय क्लब नेपाल आर्मी र शसस्त्र प्रहरीको एपीएफ क्लबको सहभागिता रहेनछ । प्रत्येक टिमका तीन खेलाडीले मात्र सहभागीता जनाउन पाउनेछन् । रोयल हिमचूलि इन्टरनेशनल प्रा.ली बसुन्धाराको मुख्य प्रायोजनमा हुन लागेको प्रतियोगितामा च्याम्पियनले ६ सय डलर,दोस्रोले ३ सय डलर र तेस्रो हुनेले २ सय डलर,ट्रफि,मेडल र प्रमाणपत्र प्राप्त गर्नेछन् । प्रतियोगिताका लागि ब्ल्याक बेल्ट कमिटीका अध्यक्ष घमको संयोजकत्वमा विभिन्न समिती गठन गरिएको छ ।