दुई भिन्नाभिन्नै प्रतियोगितामा सहभागी हुन नेपाली लनटेनिस टोली शनिबार मलेसिया प्रस्थान गरेको छ । शुभाङ्गीलक्ष्मी शाह, सक्षमविक्रम शाह, आईशा डोल्कर गुरुङ र अजा रेग्मीले प्रतिस्पर्धा गर्नेछन् । नेपाली खेलाडीले नोभेम्बर २८ देखि डिसेम्बर २ तारिखसम्म हुने जेन्टिङ सेलङगोर अन्तर्राष्ट्रिय जुनियर खुला टेनिस च्याम्पियनसिप तथा डिसेम्बर ३ देखि ७ तारिखसम्म हुने पर्लिस मिलो अन्तर्राष्ट्रिय जुनियर खुला टेनिस च्याम्पियनसिपमा खेल्न लागेका हुन् । खेलाडीको साथमा अभिभावक छोमविक्रम शाह र दया सिवाकोटी शाह पनि जाँदैछन् ।
टोलीलाई अखिल नेपाल लनटेनिस संघका सदस्यद्वय अजय विष्ट र ज्ञानेन्द्र खनालले सातदोबाटो टेनिस कम्प्लेक्समा शनिबारै बिदाइ गरे ।