ज्ञान कार्निभल बिहीबारदेखि
Manoj Shiama
28 November, 2016 7:36 pm
ज्ञानोदय स्कुलको आयोजनामा २२ औं ज्ञान कार्निभलअन्तर्गत बास्केटबल र फुटबल प्रतियोगिता बिहीबारदेखि हुने भएको छ ।
विद्यालय खेलकुद प्रतियोगिताको पुरानो मध्येको एक ज्ञान कार्निभलअन्तर्गत बास्केटबलको सिनियर ब्वाइजमा ९ र सिनियर गल्र्समा ८ टिमको सहभागिता रहने प्रतियोगिता संयोजक जयराम अधिकारीले सोमबार आयोजित पत्रकार सम्मेलनमा जानकारी गराए ।
सिनियर फुटबलमा १२ टिमको सहभागिता पक्का भएको ज्ञानोदयका ईसीए इन्चार्ज अनमोल कुलुङले जानकारी दिए ।
प्रतियोगिता सञ्चालन गर्न करिब ५ लाख खर्च हुने आयोजकले जनाएको छ । साताव्यापी प्रतियोगिताका खेलहरु खोकनास्थित आयोजककै हातामा हुनेछ । बास्केटबलको ब्वाइजमा इनोभेटिभ र गल्र्समा ज्ञानोदय तथा फुटबलमा जेम्स डिफेन्डिङ च्याम्पियन हुन् ।