पाचौँ महिला तथा छठौँ राष्ट्रिय बिच भलिबल च्याम्पियनसिपमा पुरुष र महिला दुवैतर्फ क्वाटरफाइनलको समिकरण पुरा भएको छ । दोलालघाटस्थीत इन्द्रवती खोलाको विचमा विहिबार भएका खेलमा जित हात पार्दै पुरुषतर्फ एपीएफ ,नेपाल पुलिस र आर्मीका दुवै जोडी तथा सुदुरपश्चिमाञ्चल र पश्चिमाञ्चलले अन्तिम आठमा स्थान बनाउन सफल भए । महिलातर्फ एपीएफ,पुलिस र पुर्वाञ्चलका दुवै टिम तथा पश्चिमाञ्चल र मध्यमाञ्चल एले क्वाटरफाइनलमा स्थान बनाएका छन् ।
नेपाल भलिबल संघको आयोजना र काभ्रे जिल्ला भलिबल संघको ब्यवस्थापनमा सञ्चालन भएको प्रतियोगिताको प्री–क्वाटरफाइनलमा पुलिस एका कोपीला उप्रेती र कमला पुनको जोडीले आर्मीका जानकी भण्डारी र मनिसा खाँडको जोडीलाई २१–१४ र २१–१३ हराए । एपीएफ एकी नेभिका चौधरी र सरस्वती चौधरीको जोडीले मध्यपश्चिमाञ्चलका लिला खत्रि र अम्रीता विष्टको जोडीलाई २१–७ र २१–१० ले हराउदै कोपीला र कमलाको जोडीसँग क्वाटरफाइनलमा भेट पक्का गरे । एपीएफ बीकै रेश्मा भण्डारी र निसाना बलालको जोडीले सुदुरपश्चिमाञ्चल बीकी पुनम चन्द र रीता बोहराको जोडीलाई २१–७ र २१–८ ले हराउदै क्वाटरफाइनलमा स्थान बनाए ।
त्यस्तै महिलातर्फ पुलिस बीकी निता शाह र मनिषा चौधरीको जोडीले मध्यमाञ्चल एकी वर्षा थापा र अजिता ठकुरीको जोडी,एपीएफ बीकी रेश्मा र निसानाको जोडीले पुर्वाञ्चलकी भूमिका मुडेल र विपना राजवंशीको जोडी तथा पश्चिमाञ्चलकी मञ्जु गुरुङ र अरुणा शाहीको जोडी आपसमा क्वाटरफाइनलमा खेल्नेछन् । पुरुषतर्फ एपीएफ एका सुरेश चौधरी र मिलन मल्लको जोडीले सुदुरपश्चिमाञ्चलका गंगा अवस्थी र योगेश शाही तथा एपीएफ बीका लक्ष्मण राना र दिनेश गीरीको जोडीले आर्मी बीका दिल सुनार र दुर्गा महत्तोको जोडीसँग क्वाटरफाइनलमा प्रतिस्पर्धा गर्नेछन् । आर्मी एका दिप खड्का र रिसीधन मगरको जोडीले पुलिस बीका ध्रुव पौडेल र दिपक जोशीको जोडीसँग तथा पुलिस एका चन्द्र कुँवर र प्रज्वल मल्लको जोडीले पश्चिमाञ्चलका रमेश केसी र घनश्याम चोधरीको जोडीसँग अन्तिम आठमा प्रतिस्पर्धा गर्नेछन् ।
पुरुषकै प्री–क्वाटरफाइनलमा सुदुरपश्चिमालका गंगा र योगेशको जोडीले मध्यमाञ्चलका जितेन्द्र र श्रीरामको जोडीमाथी २२–२० र २१–१९ को रोमाञ्चक जित हात पारे । एपीएफ बीका लक्ष्मण र दिनेशको जोडीले मध्यमाञ्चल बीको राजेन्द्र शर्मा र दमन केसीको जोडीलाई २१–१२ र २१–१२ को सोझो सेटमा हराउदा आर्मी बीका दिल र दुर्गाको जोडीले मध्यपश्चिमाञ्चल एका टेक राना र विक्रम साउदको जोडीलाई २१–१३ र २१–११ ले हराउदै क्वाटरफाइनलमा प्रवेश गरेका थिए । त्यस्तै आर्मी एका दिप र रिसीधनको जोडीले मध्यपश्चिमाञ्चलको इश्वर खड्का र मनिराम चौधरीको जोडीलाई २१–११ र २१–११ ले हराउदा पुलिस एका चन्द्र र प्रज्वलको जोडीले पुर्वाञ्चल बीका दिपेन मल्लिक र नितेश धिमालको जोडीलाई २१–२ र २१–१३ को सोझो सेटमा हराएका थिए ।