पोखरा
नेपाली सेनाको रातो र निलो दुवै टोली पोखरामा जारी पश्चिम पृतना दोश्रो खुला राष्टिय ह्याण्डबल रनिङ्ग शिल्ड प्रतियोगिताको सेमिफाइनलमा प्रवेश गरेकाछन् । दुवै टोलीको सेमिफाइनलमा भिडन्त हुने भएको छ ।
अधिकाशं राष्ट्रिय खेलाडी सम्मिलित सेनाको रातो समूह चरणको दुवै खेलमा जित हात पार्दै समूह ख बाट विजेता वन्दै सेमिफाइनल प्रवेश गरेको हो । त्यस्तै एक खेल जित र एक हार व्यहोर्दै निलो समूह क बाट उपविजेता बन्दै सेमिमा पुगेको हो ।
बुधबार सम्पन्न खेलमा नेपाली सेनाको रातोले पहिलो खेलमा सशस्त्र प्रहरी वलको एपिएफ क्लब संग २४÷२४ गोलको वरावरी खेल्यो । सेना रातोको अमर श्रेष्ठ र सुवर्ण मदिहाङ्गले समान ६÷६ गोल गरे । एपिएफका दीपक वोहराले ७ र विरेन्द्र चन्दले ६ गोल गरे । अर्को खेलमा सेनाको रातोले मध्यमाञ्चलमाथी ५०—१३ को जित निकाल्यो । सेनाका अमरले ११ गोल र श्री बहादुर सिंजालीले १० गोल गरे । मध्यमाञ्चलका राजेश तामाङ्गले ५ गोल गरे । एपिएफ पनि एक जित र एक वराविरीका साथ ४ अंक भएता पनि गोल भिन्नताका कारण समूहमा दोश्रो हुंदै सेमिफाइनलमा प्रवेश ग¥यो ।
समूह क को खेलमा सेनाको निलोले मध्यमाञ्चललाई ३०÷१४ गोल अन्तरले पराजित गर्दै सेमिमा स्थान वनाएको हो । सेनाका राजु पन्तले ११ र अमृत थापाले ८ गोल गरे । मध्यमाञ्चलका उदय वोगटीले आफ्नो टिमको लागि ५ गोलको योगदान गरे । अर्को टोली पश्चिमाञ्चल समूह क बाट पहिलो हुंदै सेमिफाइनलमा प्रवेश गरेकोहो ।