नेपाल सोतोकान संघले भारतमा सम्पन्न तेश्रो दक्षिण एशियन कराते च्याम्पियनसिप र २५ औं अन्तराष्ट्रिय कराते प्रतियोगिता २०१६मा पदक प्राप्त गर्न सफल खेलाडीहरुलाई शनिबार एक कार्यक्रमविच सम्मान गरेको छ । त्रिपुरेश्वरस्थित संघको केन्द्रिय कार्यालयमा महासचिव एवं प्रमुख प्रशिक्षक श्याम शेर्पाले खेलाडीहरुलाई खादा तथा टिका लगाई सम्मान गरेका हुन् ।
मित्र राष्ट्र भारतको दिल्ली सहरमा २४ र २५ सेप्टेम्बरमा भएको तेश्रो दक्षिण एशियन कराते च्याम्पियनसिपमा डिकेश मानन्धर र सन्दिप राना मगरले रजत तथा कृषा शेर्पाले कास्य पाएका थिए । यस्तै कलकत्तामा डिसेम्बर १० र ११, २०१६ मा भएको २५ औं अन्तराष्ट्रिय कराते प्रतियोगितामा नेपालले २४ स्वर्ण, १७ रजत र १० कास्य पदक जित्न सफल भएको थियो । विनोद रोका, डिकेश मानन्धर र निशा श्रेष्ठले दुई÷दुई स्वर्ण पदक प्राप्त गरेका थिए ।
भारत, नेपाल, बंगलादेश, भुटानको सहभागिता रहेको प्रतियोगितामा महिला र पुरुष गरि ३८ खेलाडीको सहभागिता रहेको थियो ।