जुडो खेलमा नेपाल आर्मी ८ स्वर्ण,५ रजत र ८ कास्यसहित टिम च्याम्पियन भएको छ । मध्यमाञ्चल ६ स्वर्ण, ६ रजत र ४ कास्यका साथ दोस्रो स्थान हात पारेको छ । नेपाल पुलिसले ५ स्वर्ण,५रजत र ५ कास्य,पुर्वाञ्चलले १ स्वर्ण,२ रजत र ६ कास्य,मध्यपश्चिमाञ्चलले १ स्वर्ण,२ रजत र ४ कास्य जित्न सफल भएका छन् । त्यसैगरी सुुदुरपश्चिमाञ्चलले १ स्वर्ण र ४ कास्य,पश्चिमाञ्चलले १ रजत र १ कास्य तथा एपीएफले ५ कास्य हात पारेका छन् ।
धुलाबारीको पासाङ ल्हामु प्रतिस्ठानमा भएको अन्तिम दिनको कातातर्फको खेलमा पुलिसका महेन्द्र गीरी र मेघ बहादुर शिंह ठकुरीले स्वर्ण जिते । उनिहरुले मध्यमाञ्चलका मोहन सुनुवार र रमेश मगरलाई फाइनलमा हराए । सोही समुहमा आर्मीले कास्य जित्न सफल भयो । टिम इभेन्टको पुरुषतर्फ मध्यमाञ्चलले स्वर्ण,आर्मीले रजत,पुर्वाञ्चल र पुलिसले कास्य पदक जिते । टिम इभेन्टकै महिलातर्फ आर्मी पहिलो,मध्यमाञ्चल दोस्रो तथा सुदुरपश्चिमाञ्चल र पुलिस संयुक्त रुपमा तेस्रो भयो ।