सानोगौचरण नाइट किङ क्लब प्रथम मदन स्पोर्ट्स कप नाइन ए साइड भेट्रान नकआउट फुटबल प्रतियोगितामा आइतबार सेमिफाइनलमा प्रवेश गरेको छ । नाइट किङले चन्द्रागिरी क्लबलाई ८–१ को फराकिलो गोलअन्तरले पराजित ग¥यो । मदन भण्डारी स्पोर्ट्स क्लबद्वारा आयोजित प्रतियोगितामा मोफसलका दुई टिम चितवन एफसी र विरगन्ज युथ एकेडेमी पनि सेमिफाइनलमा पुग्न सफल भए ।
चितवनले ४० प्लस फाउन्डेसनलाई १–० गोलले हरायो । विरगन्जले क्लब मोसेसलाई टाइब्रेकरमा ५–४ गोलले पाखा लगायो । निर्धारित समयको खेल १–१ को बराबरीमा सकिएको थियो ।
आइतबारको खेल समापनसंगै सेमिफाइनल समीकरण तयार भएको छ । सोमबार हुने सेमिफाइनलमा नाइट किङको भेट आयोजक एकेडेमीसंग हुनेछ भने चितवनले विरगन्जको सामना गर्नेछ ।