न्युडायमण्ड एकेडेमी १२औँ ढोरपाटन महिला डबल लिग भलिबलको आइतबार भएको खेलमा जित हात पारेको छ । न्युडायमण्ड लगातर तीन जीत हात पार्दै ९ अंकका साथ लिगको शिर्ष स्थानमा पुगेको छन् । विभागीय टोली एपीएफ दुई जित हात पार्दै ६ अंकका साथ लिगको दोस्रो स्थान छ । नयाँ बसपार्कस्थीत कान्तिपुर महलको मैदानमा आइतबार भएको पहिलो खेलमा न्युडामण्डले पुलिस क्लबलाई २५–१४,२५–१६,१३–२५ र २५–१३ ले हरायो । दोस्रो खेलमा आफ्नै क्लब न्युडायमण्ड स्पोट्र्सलाई २५–९,२५–९ र २५–४ को सोझो सेटमा हराउदै लगातार तेस्रो जित हात पार्न सफल भयो ।
एपीएफले पहिलो खेलमा विजेश्वरी ज्ञानमन्दिरलाई २५–६,२५–१२ र २५–९ को सोझो सेटमा हराउदै लगातार दोस्रो जित निकाल्यो । अर्को विभागीय टोली आर्मीले विजेश्वरी ज्ञान मन्दिरलाई २५–६,२५–१२ र २५–९ ले हराउदै लिगमा दुई जित हात पा¥यो । अन्य खेलमा आयोजक ढोरपाटन स्पोट्स क्लबले चण्डेश्वरी क्लबमाथी ३–२ को रोमाञ्चक जित हात पा¥यो । ढोरपाटनले पहिलो सेट २५–१८ र दोस्रो २५–१९ ले आफ्नो पक्षमा पारेपनि त्यसपछिको दुई सेट १९–२५ र २१–२५ ले गुमाएपछि सेटमा बराबरी भयो । तर निर्णायक सेट १५–८ले आफ्नो पक्षमा पार्दै ढोरपाटनले पहिलो जित हात पा¥यो । हारको बाबजुत चण्डेश्वरीले एक अंक हात पार्न सफल भयो ।