एपीएफ र न्युडायमण्ड एकेडेमीले १२औँ ब्लु स्काई टिभिएस ढोरपाटन महिला डबल लिग भलिबलमा संयुक्त रुपमा अग्रता बनाएका छन । नयाँबसपार्कमा मंगलबार एपीएफले पश्चिमाञ्चल क्षेत्रिय भलिबल संघलाई ३–१ ले हराएपछि अघिल्लो दिन शिर्ष स्थानमा रहेको न्युडायमण्डसँग अंक बराबरी ग¥यो । चौथो दिनको खेलमा एपीएफले पश्चिमाञ्चलसँग पहिलो सेट २२–२५ ले गुमाएको थियो । यद्यपी लगातार तीन सेट २५–१२,२५–७ र २५–१५ ले आफ्नो पक्षमा पार्दै ३ अंक बट्ल्यो । एपीएफ र न्युडायमण्डले ४ खेलबाट अपराजित रहदै समान १२ अंक बनाएका छन् । आफ्नो पहिलो खेल पराजय बेहोरेपनि दोस्रो खेलमा पश्चिमाञ्चलले सफलता हात पार्दै २ खेलबाट ३ अंक बटुलेको छ । पश्चिमाञ्चलले विजेश्वरी ज्ञानमन्दिरलाई २५–११,२५–३ र २५–८ को सोझो सेटमा हराउदै लिगमा पहिलो सफलता हात पा¥यो ।
त्यसैगरी अर्को विभागीय टिम नेपाल आर्मीले न्युडायमण्ड स्पोट्र्स क्लबलाई २५–२२,२५–१७ र २५–१२ को सोझो सेटमा हराउदै तीन अंक जोडेको छ । आर्मीले ४ खेलबाट ९ अंक बटुलेको छ । अर्को खेलमा पनि न्युडायमण्ड स्पोट्र्स क्लबले पराजय बेहो¥यो । उसलाई आयोजक ढोरपाटन स्पोट्र्स क्लबले २५–१५,२५–९ र २५–१९ को सोझो सेटमा हरायो । ढोरपाटन ४ खेलबाट ५ अंक बनाउन सफल भयो ।