नेपालको लैनचौर डोजोले तेश्रो सगरमाथा अन्तर्राष्ट्रिय कराते प्रतियोगिताको उपाधि बिहीबार जितेको छ । लैनचौरले १२ स्वर्ण जित्यो । लैनचौरले उपाधि जितेको यो लगातार तेश्रोपल्ट हो ।नेपाल सितोरियो कराते डो संघ, शाखा डोजो नक्सालद्वारा आयोजित प्रतियोगितामा १ स्वर्ण, २ रजत र ४ कांस्य जित्दै बंगलादेश दोश्रो भयो । तेश्रो स्थानको भुटानले १ स्वर्ण, १ रजत र ३ कांस्य हात पा¥यो । अनुशासित टिमको उपाधि सुनदरीजल डोजोले हात पा¥यो भने मार्च पास्टमा नागेश्वर डोजो उत्कृष्ट ठहरियो ।
विजेतालाई सांसदद्वय शम्भुलाल श्रेष्ठ र सन्तु दराई, नेपाल कराते महासंघका अध्यक्ष दावा गुरुङलगायतले एक कार्यक्रमबीच पुरस्कार वितरण गरे । दुईदिने प्रतियोगितामा नेपालसहित बंगलादेश र भुटानका ९ सय खेलाडीले विभिन्न २८ स्पर्धामा प्रतिस्पर्धा गरेको आयोजकले जनाएको छ ।