समृद्धि कृषि सहकारीका क्यान्डिडेटमास्टर रिजेन्द्र राजभण्डारीले भक्तपुर सहकारी कप चेसको उपाधि जितेका छन् । मंगलबार सम्पन्न प्रतियोगिताको सातौं चरणमा भक्तपुर साकोसका राज प्रजापतीसँग बराबरीको नतिजा हात पारेका रिजेन्दले अपराजीत रहँदै ६ दशमलब ५ अंकका साथ प्रतियोगिताको उपाधि हात पारेका हुन् । त्यसैगरी भक्तपुर साकोसका राज प्रजापति ५ दशमलब ५ अंकका साथ दोश्रो स्थानमा रहे । समान ५ दशमलब ५ अंक बनाएका किसान साकोसका जेन श्रेष्ठ प्रोगेसिभ प्वाईन्टमा पछि पर्दै तेश्रो स्थानमा चित्त रहे ।
सुभदिप साकोसका बिक्रम चोकामी तथा श्रमजीवी साकोसका गणेशमान दुवाल समान ५ अंकका साथ क्रमशः चौथो तथा पाचौं स्थानमा रहन सफल भए ।
उता महिला तर्फ भक्तपुर साकोसकी सिन्दिरा जोशी तथा त्रिपुरा सिप साकोसकी मतिना कुसी क्रमशः प्रथम तथा द्धितीय स्थानमा रहे । भक्तपुर बचत तथा ऋण सहकारी संस्थाको आयोजनामा २ माघदेखि सञ्चालित प्रतियोगिताका विजेतालाई प्रमुख अतिथि विनोद चरण राय तथा नेपाल बुद्धिचाल संघका महासचिव हेराकाजी महर्जनले मेडल तथा ट्रफि वितरण गरे ।