अर्किड पुपिल सेकेन्डरी स्कुलको आयोजनामा दोश्रो अर्किड कप जुनियर छात्र फुटबल प्रतियोगिता शुक्रबारदेखि हुने भएको छ ।
प्रतियोगितामा ३० टिमको सहभागिता रहने अर्किडका प्रिन्सिपल प्रेमकुमार भुजेलले जनाएका छन् । प्रतियोगिताका खेलहरु कागेश्वरी मनोहरा नगरपालिका– १३ स्थित आयोजककै मैदानमा हुनेछ ।
विजेताले १० हजार, उपविजेताले ६ हजार र तेश्रो हुनेले ३ हजार नगद पुरस्कार हात पार्नेछन् । प्रतियोगिता सञ्चालन गर्न करिब ४ लाख खर्च हुने आयोजकले जनाएको छ । नकआउट आधारमा हुने प्रतियोगिताको फाइनल माघ २९ गते हुनेछ । वेस्ट ग्रुप भिजन डिफेन्डिङ च्याम्पियन हो ।