हेटौडा  । नेपाल बुद्धिचाल संघ र नेकोस मकवानपुरद्धारा संयुक्तरुपमा आयोजित प्रेम बहादुर थापामगरस्मृति चौथौं राष्ट्रिय एमेच्योर चेस च्याम्पियनसीपमा थापाथलि चेस पार्कका सुमित पन्त साढे ४ अंकका साथ शीर्ष स्थानमा रहेका छन् । सुमितले बुधबार सम्पन्न चौथौं चरणको खेलमा सुनसरीका मणिराज डाँगीसित बराबरी खेले भने पाँचौं चरणमा झापाका राजन सुवेदीलाई हराए । त्यसैगरी काठमाण्डौका नविन तण्डुकार र सुरज पण्डित समान ४ अंक प्राप्त गरी दोश्रो स्थानमा रहेका छन् ।

हेटौडास्थित मोटेल एभाकाडो एण्ड ओर्चिड रिसोर्टमा संचालित प्रतियोगितामा रुकुमका मिलन रोका, थापाथलि चेस पार्कका सुशिल चौधरी र सुनसरीका मणिराज डाँगीले समान साढे ३ अंक प्राप्त गरेका छन् । स्वीस लिग ९ चरणका खेल हुने चारदिने प्रतियोगितामा उत्कृष्ठ ११ जना खेलाडीहरुलाई कुल एक लाख नगद पुरस्कार प्रदान गरिने छ ।  मध्ये विजेताले  ५० हजार,  दोश्राले १५, तेश्राले साढे ७ हजार, चौथौं र पाँचौंले ५ हजार तथा छैटौंदेखि दशौंसम्मले जनही ३ हजार प्राप्त गर्ने  कुरा नेपाल बुद्धिचाल संघका सचिव एवं कार्यक्रम संयोजक नेकोस मकवानपुरका अध्यक्ष धरम बहादुर लामाले बताए ।