नेपाल विद्युत प्राधिकरण र उदयपुर सिमेन्ट ‘नेपाल टेलिकम कप’ दसौं सार्वजनिक संस्थान खेलकुद प्रतियोगिताअन्तर्गत पुरुष भलिबलमा बुधबार फाइनलमा प्रवेश गरेका छन् । त्रिपुरेश्वरस्थित राष्ट्रिय खेलकुद परिषद्को कभर्डहलमा विद्युतले नेपाल टेलिकमलाई २५–९ र २५–११ तथा उदयपुरले नागरिक उद्दयन प्राधिकरणलाई २५–१७ र २५–१४ ले पराजित गरे ।
टेबलटेनिस 
टेबलटेनिसको पुरुष सिंगल्समा ललितपुर उपमहानगरपालिकाका राजेन्द्र वज्राचार्य, महिला सिंगल्समा नागरिक उद्दयनकी सविना पण्डित, पुरुष भेट्रान्स सिंगल्समा ललितपुर उपमहानगरपालिकाका राजेन्द्र वज्राचार्य, पुरुष डबल्समा राष्ट्रिय वाणिज्य बैंकका साजन सुवाल र रमेश सुवाल तथा मिक्स डबल्समा पारस र सविना पहिलो भए ।