आयोजक ज्ञानोदय इन्टरनेसनल रेसिडेन्सियल स्कुलले ज्ञान कप अन्तरविद्यालय जुनियर ब्वाइज फुटबल प्रतियोगितामा बुधबार विजयी सुरुआत गरेको छ । खोकनास्थित घरेलु कोर्टमा डिफेन्डिङ च्याम्पियन ज्ञानोदयले आदर्श हिमालयनलाई ६–१ गोलअन्तरले पराजित ग¥यो । ज्ञानोदयका आयुश खपाङ्गीले ४ तथा सजल मानन्धर र डियोन गौचनले १–१ गोल गरे । आदर्श हिमालयनका रन्जित बोहराले सान्त्वना गोल गरे ।
अर्को खेलमा लिटिल एन्जल्स (एलए) ले सुदेशालाई ७–० को फराकिलो गोलअन्तरले हरायो । एलएका प्रनीश रसाइली, बसन्त दुरा र सलुन गुरुङले २–२ गोल गरे भने एलिश पास्कनले १ गोल थपे ।आइतबारसम्म चल्ने प्रतियोगितामा पाँच टिम ज्ञानोदय, सुदेशा, आदर्श हिमालयन, लिटिल एन्जल्स र गुरुकुलले राउन्ड रोविन लिगका आधारमा प्रतिस्पर्धा गर्नेछन् । लिगमा सर्वाधिक अंक ल्याने टिम विजेता बन्नेछ ।